Follow فه‌رهاد ئەمين ئەتروشی on:

سەرۆکاتیا هەرێما کوردستانێ خۆ ل فەرهاد ئەترووشى دکەتە خودان

پشتى دادگەها تێهەلچوونا عیراقا فیدرال ل بەغدایێ بریارەک دژى بەرێز فەرهاد ئەترووشى ژ بەر سکالایا حسێن شەهرستانى دەرکرى، ئەڤرۆ سەرۆکاتیا کوردستانێ بریارا هەنێ ئیدانەکر و داخۆیانیەک ژ بۆ رایا گشتى راگەهاند.

د دەقێ داخۆیانیێ دا هاتیە: ((دەربارەى بریارا دادگەها تێهەلچوونا فیدرال کو ل سەر شەرمەزارکرنا فەرهاد ئەترووشى کو بریارا دادگەها چاپ و راگەهاندنێ بوویە و داخۆیانیێن ڤێ داویا پەرلەمانتارێ کورد ب بچووکرنا حسێن شەهرستانى زانى یە، ئەم ب هەموو ئالیەکى رادگەهینین کو داخویانیێن فەرهاد ئەترووشى ل سەر زێدەگاڤیا دەستهەلاتا بەغدایا ل سەر سامانێن گەلێ عیراقێ ژ بۆ ئاگەهدارکرنا رایا گشتى بوویە. هەروەسا بریارا دادگەها تێهەلچوونا ب چ ئاوایەکى ب تێکچوونا فەرهادئەترووشى ناهێتە زانین، ژ بەر کو فەرهاد ئێک ژ نوونەرێن گەلێ کوردستانێ یە ل بەغدا و ژ بۆ بەرەڤانیا مافێن گەلێ خۆ ئەو داخۆیانیە داینە.

فەرهاد ئەترووشى وەکو پەرلەمانتارەکى ئەرکێن خ ل بەغدا راپەراندینە و داخۆیانیێن وى ل سەر بابەتەکێ تاکەکەسى نەبووینە و پێویست بووینە ب بەرژەوەندیێن گشت خەلکێ عیراقێ ڤە و جهێ داخێ یە دادگەه پرەنسیپێن سەربەخۆیى و جوداکرنا دەستهەلاتێ بەرچاڤ نەکریە و نوونەرەکێ کورد ل سەر بەرەڤانیێ ژ بەرژەوەندیا هەموو خەلکى سزادایە. ئەڤ بریارە ژ بۆ هەموو ئالیەکى ئاشکرا دکەت کو دادگەها قەزایى ل عیراقا فیدرال سیاسى کرینە و نە یا سەربەخۆیە((.

سەرۆکاتیا هەرێما کوردستانێ

8/4/2014