Follow فه‌رهاد ئەمين ئەتروشی on:

فەرهاد ئەتروشى رۆژا سەرهلدانا شێخان ساخکر

د رێورسمەکێ دا ل ژێر چاڤدێریا عیسا نسرى ب بەرهەڤبوونا فەرهاد ئەتروشى ئەندامێ پەرلەمانێ عیراقێ و بەربژێرى پارتى دیموکراتى کوردستان و ئیسماعیل مستەفا قائیمقامێ قەزا شێخان و هەمى بەربژێرێن سەر ب لقا 20 شێخان ڤە گرۆپێ ئالا نڤیسینگەها شێخان رۆژا ئازادکرنا عێراقێ ل بن دەستێن رژێما بەعس ساخ کر.                
محەمەد زوبێر بەرپرسێ نڤیسینگەها شێخان یا گرۆپێ ئالا بۆ رۆژناما ئەڤرۆ دیار کر، وەک ئەرکەکێ نەتەوەیى نڤیسینگەها شێخان یا گرۆپێ ئالایێ کوردستانێ رابوو ب ساخکرنا رۆژا سەرهلدانا قەزا شێخان، چونکو قەزا شێخان دو رۆژێن رزگارکرتێ هەنە، یا ئێکێ ل گەل راپەرینا سالا 1991 ئەو رزگارکرن و ماوێ چەند رۆژەکا ڤەکێشا، لێ جارەکا دى رژێما بەعس شێخان داگیرکر و شێخان ب دوو پارچە و سەنتەرێ قەزایێ ل بن حوکمێ رژێمێ ڤەما. و رزگارکرنا دویێ ل سالا 2003 یێ بوو و جارەکا دێ شێخان هاتە د باوەشا هەرێما کوردستانێ ڤە. ل سەر دەمێ رژێمێ شێخان د باردوخەکێ گەلەکێ خراب داد بورى و زورداریەکا مەزن ل خەلکێ شێخان دهاتە کرن ژ لایێ عەرەبێن فاشست ڤە و شێخان گەلەکا پاشکەفتى بوو د هەمى بیاڤان دا  ب تایبەت بیاڤێ خزمەت گوزاریا لێ پشتى شێخان رزگاریا سالا 2003 هەر ژ دەست پێکا سەرهلدانێ حکوومەتا هەرێمێ دەست ب پرۆژەیێن خزمەت گوزارى کر.
نڤیسینگەها شێخان یا گروپێ ئالا ل دووماهیێ ب فەر دیت خەلاتێ دەستخۆشیێ پێشکێشى فەرهاد ئەترووشى بەربژێرێ ئەنجوومەنێ پارێزگەها دهۆکێ و هەمى رێڤەبەرێن دام و دەزگایێن میرى ل قەزایێ بکەن ژ بەر رۆل و خزمەتا وان یا بەرچاڤ ئەوا ل دەڤەرێ کرى.